O vindeiro sábado 13 de setembro
a nosa Coral Xan Mella participará nun festival de polifonía en Oia
(Pontevedra) convidada pola Coral “Vagalume” de Santa María de Oia e no que
tamén participará o Orfeón “Asomamos” de Mos e o grupo de Gaiteiros “Tra lo
mosteiro”. A coral que dirixe dende a súa fundación Tatiana Pankrátova
presentará un programa de habaneras, cantigas galegas e música pop e estará acompañada ao piano por Antía Vidal.
O concerto será ás 20:30 na
Igrexa do Mosteiro de Oia e coralistas e acompañantes aproveitarán a mañá para visitar
a Feira de Vilanova de Cerveira (Portugal) e xa pola tarde farán un percorrido
pola vila de Baiona.
De aquí a Nadal a coral ten
programadas actuacións en A Coruña capital, Mugardos, Corcubión e Vimianzo e
rematará o ano co XI Memorial Pepe Valiña en Baio o sábado 20 de decembro.
No hay comentarios:
Publicar un comentario