O sábado pasado a nosa Coral Xan Mella
de Baio-Zas participou nun encontro de polifonía en terras pontevedresas. A
espectacular igrexa do monasterio cisterciense de Santa María de Oia foi o
marco no que a coral labartiana, dirixida coma sempre por Tatiana Pankrátova,
deixou sentir as súas voces sendo moi felicitados polo numeroso público
asistente e polos compoñentes das outras corais participantes: a anfitrioa
“Vagalume” e o Orfeón “Asomamos” de Mos.
A coral presentou un variado
programa de cancións galegas, habaneras e música pop e das máis aplaudidas
foron o “Aleluia” de Leonard Cohen e a habanera “Yo quiero ser marinero” que
volvíamos a cantar despois duns anos no “olvido”. Ámbalas dúas foron acompañadas
pola xoven pianista Antía Vidal.
A directiva da coral aproveitou
este evento de polifonía para contactar con outras corais pontevedresas e
apalabraron actuacións en Mos e en Vigo capital.
Non todo foi música pois
coralistas e acompañantes aproveitamos o día para facer un pouco de turismo
cultural e gastronómico visitando a Feira da fermosa vila de Vilanova de
Cerveira (Portugal).
Moitas grazas aos nosos amigos do Orfeón "Asomamos" de Mos e aos anfitrións da Coral "Vagalume" de Oia pola fermosa velada que pasamos xuntos e a festa-post concerto na que non faltaron as cantigas de sobremesa.
Moitas grazas aos nosos amigos do Orfeón "Asomamos" de Mos e aos anfitrións da Coral "Vagalume" de Oia pola fermosa velada que pasamos xuntos e a festa-post concerto na que non faltaron as cantigas de sobremesa.
A Xan Mella continúa os ensaios
preparando o seu vindeiro compromiso que será o sábado 4 de outubro no Festival
de Habaneras que se celebrará no Auditorio da Casa do Mar na Coruña.
No hay comentarios:
Publicar un comentario