Do Encontro de corais da Costa da Morte

Rematamos un outubro moi movidiño facendo a nosa cuarta actuación do mes no Encontro de Corais da Costa da Morte que organizou a Asociación NERIA e que se celebrou na Casa da Cultura de Corcubión o pasado sábado.

A nosa Coral Xan Mella compartiu esceario coas corais de Cesullas (Cabana de Bergantiños), Muxía e a anfitrioa "Airiños" de Quenxe" nun festival no que se poideron escoitar cancións sudamericanas, cantigas galegas, moitas habaneras e temas pop.

Nós (ainda que algo mermados de voces a causa de cinco baixas no plantel) fomos moi aplaudidos e felicitados e o auditorio bateu palmas e gozou ao compás de Katiusha.

Unha fermosa xornada de confraternización que rematou cos agasallos por parte de Neria dunhas pezas de cerámica exclusivas do artista Nacho Porto e un pincheo post-concerto no que non faltaron as cantigas de sobremesa.

Felicitacións a Neria por seguir organizando esta festa da música coral da Costa da Morte que esperamos se repita o vindeiro ano.

O sábado 18 de outubro cantamos en Corcubión

Do concerto na Coruña e do Día do Coralista

Coral Casa do Mar da Coruña

Coral Xan Mella

 Coral Fonte do Souto de Culleredo

Fin de semana movidiño o pasado: o sábado cantamos na Coruña no XVIII Encontro de corais que organizaba a anfitrioa Coral “Casa do Mar” e fomos moi aplaudidos e felicitados polas nosas habaneras e polo “Aleluia” de Leonard Cohen acompañados ao piano por Antía Vidal, un tema que está causando sensación aló onde imos. Tamén participou neste encontro polifónico a Coral Fonte do Souto de Culleredo. Moitas grazas aos nosos amigos da coral capitalina e aos de Culleredo, aos que esperamos ter moi pronto por estas terras labartianas.

Xa o domingo nunha fermosa finca do Allo, xentilmente cedida por Emilio Busto, coralistas e familiares celebramos un día de festa e reunímonos, non arredor dunha, senón de tres fermosas e moi deliciosas  paellas que cociñou o noso tenor Suso Tanara xunto á inestimable axuda de Maruja Canay e Julita Reymúndez.

Parte das mulleres cociñaron os entrantes: empanada de bacallau, freixós, canapés de paté de sardiña e outras delicatessen; e outra parte fixéronse cargo dunhas deliciosas sobremesas: buñuelos de crema e nata, roscas de anís, torta de queixo, bicas,chulas…Riquísimo!

Rematou o día coma non podía ser doutro xeito: cos cantares de sobremesa que se alongaron ata case o ocaso. Un bo día de ledicia e confraternización.

E seguimos traballando: o vindeiro sábado 11 cantamos un funeral en Camelle e  o domingo 12 lembraremos ao noso sempre presidente fundador Pepe Valiña na misa das 12 na Igrexa nova de Baio ao cumprirse unha década do seu pasamento.

Seguiremos comunicando.