A nosa Coral polifónica Xan Mella de Baio (Zas-A Coruña) acadou o primeiro premio no “II Festival nacional coral de la Avellana” celebrado en Infiesto (Piloña-Asturias) o pasado fin de semana do 27 e 28 de setembro.A coral que dirixe a profesora Tatiana Pankrátova cos temas Como la flor (popular asturiana), Terra meiga (cantiga galega), Ave María no Morro (brasileira con armonización da propia Pankrátova) e Habanera salada pasou a selección previa e o sábado 27 na Igrexa parroquial de Infiesto compartiu cartel coa coral da Agrupación musical do Rosal (Pontevedra) Coral dos Corrales del Buelma (Cantabria) e coas polifónicas asturianas do Centro Asturiano de Avilés e San Antonio de Xixón.
A coral baiesa foi a única non asturiana que pasou á final xunto ás agrupación de Xixón e Avilés, unha final que se celebrou á tarde seguinte no mesmo lugar.
O xurado - composto por profesionais da música non pertencentes ás autonomías de orixe das corais participantes - valorando a afinación, riqueza expresiva e rítmica, a variedade do programa presentado, a dificultade e complexidade das partituras e o respecto á formulación musical acordou conceder os seguintes premios:
3º premio, avellana de bronce e 600 € á Coral do Centro Asturiano de Avilés
2º premio, avellana de prata e 1.500 € á Coral San Antonio de Xixón
1º premio, avellana de ouro e 2.500 € á Coral Xan Mella de Baio (Zas-A Coruña)
Os integrantes da coral, familiares e acompañantes recibimos o galardón de mans do alcalde do Concello de Piloña entre nervios, ledicia, emocións contidas e humildade; un premio - en palabras do presidente da nosa coral e da A.M.C. Pepe Valiña, Cándido Fuentes – “froito do traballo do día a día tanto de coralistas como da directora que nos convida a seguir esforzándonos pola música coral”.
O certame celebrado en Infiesto é o mellor dotado economicamente dos que se celebran no Principado de Asturias e a el concorren formacións corais de amplo prestixio de toda España. Na edición do ano pasado o coro gañador foi o madrileño Matritum Cantat.
A Coral Xan Mella prepara xa as vindeiras actuacións que serán o 22 de novembro en Padrón e o 29 de novembro en Pontedeume e afánase nos preparativos da quinta edición do Memorial Pepe Valiña que se celebrará en Baio o 20 de decembro.
3 comentarios:
NORABOA¡¡ E QUE SE REPITA
TREN DA UNHA SHOW
La Coral Polifónica «Xan Mella de Baio», del concejo de Zas, en La Coruña, resultó ganadora ayer del II Certamen Nacional Coral de «La Avellana», que se celebró el fin de semana en Infiesto. La agrupación recibió 2.500 euros, el escudo de Piloña y la «Avellana de Oro». El certamen se desarrolló con gran éxito de público y la iglesia parroquial de Infiesto se llenó de numerosas personas que disfrutaron con el certamen. Un total de cinco agrupaciones participaron en el concurso, organizado por la coral polifónica piloñesa «Ars Nova»», informa B. MORÁN.
Moitas felicidades, noraboa, de parte do noso coro.
Nos o pasado ano acadamos o terceriro premio e xa vimos a mar de contentos, así que vos estaredes cheos de ledicia.
Saudiños
¡¡ Enhorabuena !!
Gracias, por deleitarnos estos dos días con vuestras armoniosas voces, por la amabilidad y maravillosa compañía que nos habéis ofrecido.
El tesón, el esfuerzo y el amor a la música producen resultados muy placenteros, lo comprobásteis.
¡¡ Adelante !!
Publicar un comentario