Éxito en Zas

Onte domingo actuamos na Igrexa parroquial de Zas co motivo da Semana cultural que organiza o Concello para conmemorar o 25 aniversario da Carballeira de Zas.

O concerto foi un éxito de público (había ata xente de pe) e a Coral Xan Mella presentou un programa moi variado de dez cancións das que destacaron as habaneras Jardín de ensueño e Habanera salada e as galegas Terra meiga e Nos caneiros. Rematou a actuación co tema Yo quiero ser marinero en homenaxe á virxe do Carme, copatroa de Zas e cun público entregado e posto en pe.

Neste concerto a nosa directora estreou un chal de liño, feito a man, agasallo de Carme Riveiro, presidenta da Asociación Amigos do liño de Baio, que fai xogo cos chales que portan habitualmente as coralistas (tamén agasallo da mesma asociación).

Como soe ser habitual despois da actuación... pinchos, viño e cantigas no Restaurante Soneira de Zas.

III Certame "En clave coral"

Estamos moi ledos. Hoxe retomamos os ensaios despois dunhas curtas, pero merecidas, vacacións e recibimos a grata noticia de que a nosa Coral polifónica Xan Mella foi seleccionada por terceira vez consecutiva para participar no III Certame En clave Coral que convocou a FECOGA e a Xunta de Galicia.
Foron convidadas a participar todas as corais da comunidade das que resultaron seleccionadas 25 que se repartirán en oito concertos pola xeografía galega. Os concertos se celebrarán durante os meses de setembro, outubro e novembro.

A vindeira actuación da Coral Xan Mella será o domingo 27 de xullo na Igrexa parroquial de Zas, ás 22:00 horas, con motivo dos actos conmemorativos do 25 aniversario da Carballeira de Zas. Nese concerto a coral presentará un programa variado no que predominarán as habaneras e a canción galega.