Fermosa xornada a que vivimos onte en Pazos de Ponteceso onde compartimos esceario coa Coral Casa do Mar da Coruña e a anfitrioa Coral San Salvador.
Moito público, e moita calor, no local da Asociación que poido gozar de cantigas galegas, boleros, folclore internacional, habaneras e panxoliñas nunha xornada que rematou cunha pantagruélica cea post-concerto no que non faltaron os "coros e danzas" de rigor.
Moitas grazas aos nosos amigos de Pazos e tamén aos colegas da Coruña aos que pronto teremos o pracer de escoitar na nosa vila labartiana.
Este encontro polifónico estaba encadrado na Rede Cultural da Deputación da Coruña.
Este encontro polifónico estaba encadrado na Rede Cultural da Deputación da Coruña.
E agora a preparar o XII Memorial Pepe Valiña que celebraremos en Baio o domingo 13 de decembro e no que participarán as seguintes agrupacións:
- Coro Xoven da ESMU Pepe Valiña de Baio
- Coral San Salvador de Pazos (Ponteceso)
- Coral San Valentín de Fene
- Coral Xan Mella de Baio
No hay comentarios:
Publicar un comentario