Coa Igrexa nova ateigada de xente
celebramos o pasado sábado o XIII Encontro de corais coas polifónicas amigas
Máximo Gorki de Vigo e Alborada de Viveiro (Lugo).
Fermosa velada na que se puideron
escoitar cantigas galegas, habaneras, bandas sonoras, pop, boleros... e
ata música étnica.
Abriu o encontro o Coro Xoven da ESMU Pepe Valiña de Baio que, despois do
seu exitoso debut no Nadal pasado, volveu a demostrar que a canteira promete
moito. Por riba de todo gustou a interpretación de “Hay un amigo en mi”, da película Toy Story, acompañados ao piano
por Lucía Espasandín. Foron os verdadeiros triunfadores da noite.
A Coral
Máximo Gorki de Vigo presentou un programa moi variado no que destacamos
a magnifica interpretación do tema tradicional surafricano “Somagwaza/Aya Ngena”.
Xa en terceiro lugar a Polifónica Alborada de Viveiro foi moi aplaudida na
versión que fixeron de “Es mi viejo San
Juan” de J. Trayter.
Nós, os da Xan Mella xogábamos na casa, pechamos este XIII
Encontro de corais cun programa ecléctico de cantigas galegas, habaneras e
música pop e fomos moi felicitados e aplaudidos sobre todo pola interpretación
de “Hijo de la luna” de Mecano.
Moitas grazas a todo o público
que nos acompañou, tamén aos coralistas e directores convidados e tamén a Lucía
Espasandín e Antía Vidal, pianistas das dúas corais anfitrionas.
Como remate... pantagruélica
papatoria post-concerto no Pavillón xentilmente cedido polo Concello de Zas.
E agora, vacacións e despois...
principiaremos o curso o Sábado 8 de
agosto en Viveiro (Lugo) convidados pola Coral Alborada.
No hay comentarios:
Publicar un comentario