Ronda de Nadal I

O pasado venres á noitiña saímos de Ronda de Nadal polas rúas e tabernas de Baio lembrando aquelos tempos nos que se ía cantar polas casa pedindo o aguinaldo. Os de Xan Mella estivemos acompañados polo Tren da unha show de Laxe (Piticas á guitarra e JesusMari ás percusións) e a media travesía xuntouse a nós Jose Díaz ao acordeón. Non só foron as panxoliñas típicas destas festas as que se poideron escoitar, tamén soaron cantigas galegas, habaneras, canción sudamericana e algunha que outra rusa para agasallar a uns amigos bielorrusos e ucraínos que acompañaron á nosa directora nestas datas.

O noso agradecemento á Raxería os Arcos, Bar O Trebol, Cafetería Ciudad Cristal e Cafetería O Hórreo.

Foi unha noite de festa e camaradería que se repetirá o venres día 2 de xaneiro outra vez polas rúas e tabernas de Baio: esta vez principiaremos na Taberna de Paulino e continuaremos polo Bar O Cruce, Cafetería Galaxia, Bar o Muíño e Casa Rogelio, entre outros.

A todos os que colaboraron e disfrutaron con nós moitas grazas.

E a TODOS, sen distinción, que despidades o ano con ledicia

e que o 2009 sexa aínda mellor.

Do V Memorial

O pasado sábado celebramos o V Memorial Pepe Valiña e a Igrexa nova de Baio, unha vez máis volveu a quedar pequena a pesares do moito frío que facía.

Abríu o Concerto de Nadal a Coral polifónica de Bergantiños que nos ofreceu un repertorio baseado sobre todo en panxoliñas; gustou moito, sobre todo a Suite comercial navideña e o tema de ABBA Chiquitita co que pecharon a súa actuación.

A Coral eumesa viña curta de voces e o frío fixo que non poidesen cantar a rusa Kalinka cun baixo solista que nos gustara moito en Pontedeume; aínda así cumpliron e recibiron fortes aplausos.

A Coral polifónica Xan Mella pechou o festival. Era o primeiro concerto que cantabamos en Baio despois de ter gañado o primeiro premio no Festival de Infiesto e o público agradeceu como nunca o bo facer dos músicos baieses que cantaron parte do programa gañador e pecharon a súa actuación coa habanera Jardín de ensueño. Seguridade, empaste e afinación, froito do traballo do día a día, fan que a nosa coral sega medrando na calidade interpretativa.

Un bo encontro polifónico coas, posiblemente, dúas mellores corais na actualidade da Costa da Morte e unha Coral Eumesa que tamén deixou o pavillón alto.

E despois... nun próximo post o contaremos.

A AMC Pepe Valiña e a Coral Xan Mella desexanvos unhas Boas Festas de Nadal e que o ano 2009 veña cargado do mellor para todos vos.

V Memorial Pepe Valiña

O vindeiro sábado 20 de decembro ás 21:oo horas na Igrexa nova de Baio celebraremos o tradicional Concerto de Nadal V Memorial Pepe Valiña xunto ás corais polifónicas de Pontedeume e de Carballo, aquí adxuntamos o programa.

O cartel, como sempre dende o primeiro memorial, é un agasallo do deseñador Chenchu López.

Esperamos a vosa asistencia.

P R O G R A M A

Coral de Bergantiños
Directora: Gloria de los Ángeles Pardines

Soños de namorar....Nico Matteo Nicora
O neno naceu.. .Jesús Méndez Torrado
Festejo de Navidad...Herbert Brittrich
Suite comercial navideña.... Arr.J. B. Alvarez
Chiquitita.....ABBA (Björn e Benny)


Coral Eumesa
Director: Xosé Paz Fernández

Lela....Castelao/ Julio Domínguez
Boga,boga ......Adap. José I.Tejón, S. J.
Tú mi barco y el mar...Roca M./García S.
Arrurrú......Nemesio García Carril
Kalinka...Alexandroff/Arrg. Rogelio Groba



Coral polifónica “Xan Mella”
Directora: Tatiana Pankrátova

Como la flor (asturiana)....Harm.E.M.Torner
Terra meiga...Rey Rivero
Fuentecilla que corres......E. Cifre
Ave María no Morro.....H.Martins
Harm: Piñeiro/Pankrátova
Jardín de ensueño.....Rey Rivero