Do concerto en Outes

Moi satisfeitos quedamos da nosa actuación do pasado fin de semán en Outes onde participamos no XX Encontro de habaneras e música popular compartindo cartel coa Coral Agustín González de Louro (moi bonita a súa interpretación da habanera "La paloma"), a Coral de Campo Lameiro (gustou moito a versión de "The lion sleeps tonight") e os anfitrións da Coral Francisco Añón da que destacamos tamén a habanera "Dicen que se muere el mar".

De nós gustou moito a interpretación do tema sudamericano "La piragua" cunha corda de baixos ritmicamente moi marcada e as outras tres cordas cunha gran riqueza de matices; tamén as habaneras "Torrevieja" e "Paloma mensajera" foron moi aplaudidas así como a cantiga galega "Terra Meiga".

Moitas grazas ao Concello de Outes e á Coral anfitrioa por convidarnos a participar no evento coral e por sorprendernos cunha pantagruélica cea (aquelo parecía o menú dunha voda) no que como vedes non faltaron as cantigas de sobremesa.