As fotos que acompañan esta entrada son do concerto celebrado o pasado fin de semana en Ribadeo, no Auditorio Hernán Naval. A primeira é a Coral polifónica Xan Mella en plena actuación e a segunda corresponde ás tres corais xuntas, poñendo remate ao festival, cantando a habanera "Yo quiero ser marinero" acompañadas ao piano pola nosa directora e dirixindo a de Ribadeo. Foi todo un éxito que esperamos repetir o 16 de decembro en Baio no III Memorial Pepe Valiña no que a Coral polifónica de Ribadeo (decana da provincia de Lugo) nos devolverá a visita.
